الفرق بين الموقع الثابت (الاستاتيك) والموقع المتغير (ديناميك)

·         الموقع الاستاتيك Static Website: هو الموقع اللى بيكون صفحاتة ثابتة يعنى مش هينفع تعدل فيها، ودة بيكون عن طريق انك بتبعت المحتوى كامل لمصمم الموقع بتاعك وتخليه يضيفة هو داخل التصميم.

o        الميزة: اسرع بكتير فى الارشفة بتاعتة (لو عايز تفهم يعنى اية ارشفة اضغط هنا) يعنى امكانية انه يظهر فى محركات البحث بتكون اسرع، ودة لان المحتوى بتاعة ثابت يعنى بمجرد تسجيلة فى محركات البحث هيكون سهل عمل Indexing ليه

o        العيب: مش بتقدر تضيف محتوى جديد ليك يعنى مثلاً انت لو شركة او جمعية اهلية مش هتقدر تكون عارف تتحكم فى محتوى موقعك او تعدل فيه لو عايز تضيف خبر جديد مثلاً او صورة او فيديو، ودة بيخلى موقعك مش ممتع بالنسبة للزائر بتاعك لانة من اول زيارة هيكون عرف كل تفاصيل موقعك ( التجديد مطلوب )

·         الموقع المتغير (ديناميك) Dynamic Website: ودة عكس الموقع الاستاتيك وبيخليك تقدر تحدث كل التفاصيل الخاصة بموقعك من اول الاسم لحد اخر سطر فيه، وكمان بيديك الحرية الكاملة فى التحكم فى الالوان والصور والفيديوهات والاخبار وغيرها كتير

o        الميزة: اللى قلناه قبل كدة انك بتتحكم فى كل اجزاء الموقع

o        العيب: اصعب شوية فى الارشفة بتاعته ولكن ليه اكثر من طريقة لإعداد مصادقة محركات البحث ليه وهتوصل فى الاخر برضو لنفس النتيجة بتاعت الموقع الاستاتيك

تنصح بموقع ستاتيك ولا ديناميك

قبل ما تاخد قرار فى الموضوع دة لازم تدرس احتياجاتك ( اطلب دراسة لموقعك ) علشان تعرف تحدد اى نوع منهم هو الافضل ليك، بس ممكن ابسطلك الموضوع فى نقطتين:

o        اذا كنت شركة او بتبيع منتجات او جمعية اهلية او كان نشاطك فيه تجديد فأنصحك بالموقع الديناميك لانه هيريحك جدا

o        اما اذا كنت عايز تعمل موقعك لغرض التواصل بس ومش محتاج تجدد فيه او معندكش وقت تجدد فيه، فأنصحك بموقع استاتيك، لانك ببساطة عدم تجديدك للموقع هيقلل فرصة ظهورك فى محركات البحث

بعد ما عرفت الفرق بينهم سيب لينا كومنت توضحلنا انت بتفضل ايه ؟

لو بتفكر تعمل موقع اوعايز تفاصيل اكتر كلم الدعم والمبيعات من هنا، او اطلب عرض سعر لموقعك من هنا